Четири часот наутро, мрак и ходник полн со вооружана војска! Последните денови на легендарниот хер Жика (Гидра): „Знаевме дека се наближува неговиот крај“

Точка

30/04/2024

15:48

9.510

Големина на фонт

а а а

Серијата „Жикина династија“ е еден од југословенските телевизиски феномени, бидејќи колку пати и да се репризира, на публиката никогаш не ѝ здосадува. Голема заслуга за тоа има и главниот актер, познатиот Драгомир Бојаниќ Гидра, кој бил автентичен како на малите екрани, така и на филмското платно и надвор од камерата.

Драгомир Бојаниќ Гидра е роден во Крагуевац во 1933 година. Имал многу тешко детство, а нè напуштил во 1993 година.

Неговата ќерка Јелена своевремено раскажала какви биле неговите последни денови.


„На едно враќање во Србија, во 1993 година, се упатив директно во неговата болница. Слетав во Будимпешта. Страшно време. Отидов директно на ВМА од Будимпешта. Онкологија четврти кат. Во четири часот наутро сè е темно, но на крајот од ходникот на четвртиот кат има светлина. Се приближуваме. Целата ВМА беше полна со војници под оружје. Не личеше на болница, туку на зграда под опсада. Имав впечаток дека се вратив во друга земја. Мојата генерација не беше свесна. Се качуваме и гледам толпа низ темнината. И ги носат ранетите со хеликоптер, сите деца од 18-19 години, ги оперираат, многу од нив се без нозе – рече Јелена Бојаниќ и продолжила:


„Медицинските сестри ги носат младите ранети во количка во болничката соба на татко ми и Гидра им кажува шеги во четири часот наутро. Знаевме дека е готово, сестрите му шверцуваа цигари. А во неговата соба, дежурните лекари и ранетите се смеат на неговите фори“, се присетила ќерката на Гидра, додавајќи:

„Седат од единаесет до четири наутро кај него, а тој има цел монолог, па по една фора за секој од нив. Така умираше еден месец и секоја вечер во тој месец ги забавувал ранетите – заклучила таа своевремено во „Недељник“.


Гидра, кој исто така бил член на Југословенскиот драмски театар, а своето филмско деби го имал со улогата во филмот „Ešalonu doktora M“. Во југословенската кинематографија одиграл повеќе од 30 улоги, дел главни, дел споредни. А играл и надвор од границите на Југославија, во Италија под псевдонимот Ентони Гидра. Во 1960-тите глумел во десетина вестерн и акциони филмови.




Спонзорирани линкови

Маркетинг